ВМРО-ДПМНЕ објави кои четири функционери не поднеле анкетни листови
Објавено во: Македонија 25 Октомври, 2022
ВМРО-ДПМНЕ во аферата Тајни имоти ги обвини аналитичарот Алберт Муслиу, адвокатот Ивица Јефтиќ, директорот на македонски шуми Валентин Груевски и членот на управниот одбор во здравствениот дом во Берово Новица Печински дека не поднеле анкетни листови што според партијата е индиција дека се кријат имоти.
Од ВМРО-ДПМНЕ ја повикаа антикорупциска да почне соодветна постапка.
Анкетните листови на функционерите чии имиња ВМРО-ДПМНЕ ги објави на денешната прес конференција не може да се најдат во регистарот на веб страната на антикорупциската комисија.
„123 функционери се фатени како кријат имот од 30 милиони евра. ДКСК наместо да антидатира да постапи со отворање на постапки. ДКСК имаше доволно време од јануари да постапи во однос на функционерите кои кријат имот. И тоа не го направија“, вели пратеникот Бране Петрушевски.Бараат надлежните да истражат за што се работи.