ВМРО-ДПМНЕ: Зечевиќ ја партизира администрацијата, Костадинов е посинок на Заев
Објавено во: Македонија 28 Декември, 2021
ВМРО-ДПМНЕ упати посебни коментари на адреса на новоизбраите функционери на СДСМ и членови на Извршниот одбор.
„Миле Зечевиќ не е никаков нов кадар, тој е човекот на Заев, кој учествуваше во организирање на изборни нерегуларности во изминатите години. Зечевиќ е творец на партизацијата на администрацијата, полнењето со тетки мајки деца на функционери“, велат од таму за новоизбраниот генерален секретар на СДСМ.
За Петре Шилегов и Стефан Богоев се губитници според најголемата опозициска партија, а коментар имаше и за Игор Ивановски Шема, претседател на новоформираниот Совет за креирање и имплементирање политики.
„Игор Ивановски Шема кој направи пакт со Заевизмот за својата лична кариера. Кој 30 години ништо добро не и носи на Македонија. Тој е продолжение на кариерата на една Шекеринска“, се вели во соопштението.
Вечен губитник бил и Андреј Петров, а за Костадин Ацевски се вели дека бил тепач на жени.
„Костадинов кој е посинокот на Заев во политиката. Малото заевче измеќар на криминалната фамилија Заеви“, гласи коментарот за Костадин костадинов.
Нина Фити била претставник на олигархијата, а Дарко Каевски се стекнал со стан од 62 м2 и над 60 илјади евра во банка за само една година.