ВМРО-ДПМНЕ: Законот за јазици е неуставен и не е дел од реформите
Објавено во: Македонија 21 Ноември, 2017
ВМРО-ДПМНЕ во обид да го искомпликува носењето на новиот предлог закон за употреба на јазиците ја обвини владејачката СДСМ дека ја лаже и манипулира јавноста, бидејќи законот ќе донесе двојазичност на целата територија на Македонија, е неуставен креира поделби и истиот не е во согласност со итните реформски приоритети.
„Двојазичноста на целата територија која ја планира СДС го девалвира македонскиот јазик и неговата употреба, кој од официјален јазик, станува само еден од двата службени јазик на територијата на државата, иако него го говорат над 2/3 од населението.
СДС спротивно на уставот и европските вредности спроведува целосна двојазичност. Двојазични ќе станат сите централни институции, судовите, обвинителствата, нотарите и извршителите во цела држава, сето тоа на крај ќе го платат македонските даночни обврзници, пари кои наместо во нови инвестиции, патишта, училишта, болници, градинки и други инфраструктурни објекти ќе завршат во спроведување на двојазичноста која нема да му помогне никому да овозможи подобри услови на своето семејство, подобро школување на своите деца и шанси за напредок и успех во животот, туку ќе ги зголеми ѕидовите помеѓу граѓаните.
Двојазичноста не ја приближува државата кон ЕУ и НАТО, туку ја оддалечува и ја враќа назад во минатото кон нови поделби“ соопштуваат од ВМРО-ДПМНЕ.
Опозициската партија смета дека со носењето на законот ќе произлезат и дополнителни буџетски трошоци за формирање на новата Агенција за примена на јазикот. За истата засега од Владата велат дека нема да има нови вработувања туку ќе се користи капацитетот на постоечката администрација. ВМРО-ДПМНЕ исто така продолжува да застрашува со тврдењата дека ќе се изрекувале високи казни.
„Владата предвидува и ригорозни казни за сите кои нема да ја почитуваат двојазичноста, па така глоби до 5000 евра ќе плаќаат институциите и одговорните лица во нив, кои ќе ја прекршат двојазичноста. За спроведување на казнената политика ќе се формира Инспекторат, чие формирање со првичниот Буџет државата ќе ја чини над 7 милиони денари, пари на граѓаните“, велат од ВМРО-ДПМНЕ.
Можеби ќе ве интересира
ДВЕ ЛИЦА ЗАГИНАА ВО СООБРАЌАЈКА НА ПАТОТ РАДОВИШ - ШТИП: едно лице е хоспитализирано
ГИ ИЗГРИЗАЛО КАБЛИТЕ ЗА ИНТЕРНЕТ - куче кое пропаднало во шахта ги остави без мрежа „Филип Втори“ и „Букурешт“
СООБРАЌАЈКА НА ПАТОТ РАДОВИШ - ШТИП: сообраќајот е во прекин
ЕЛЕКТРИЧЕН СТОЛБ ПАДНА НА ПАТОТ ГОСТИВАР - КИЧЕВО: кабли распослани по улицата, сообраќајот во прекин
ЕНОРМНО ЗГОЛЕМЕНИТЕ ПЛАТИ ЌЕ СЕ ВРЗАТ ЗА МИНИМАЛНАТА: Најчевска најавува „чистење“ преку укинување на бенефициите, еве што објави
ЌЕ СЕ СЛЕДАТ ТРАНСАКЦИИТЕ НА ФУНКЦИОНЕРИ, ОБВИНИТЕЛИ, БИЗНИСМЕНИ КОИ РАБОТАТ СО ДРЖАВАТА - еве што најави Димитриеска Кочоска
Стопанска комора: Избрзана, непазарна одлука за авто осигурувањето
КРИВИЧНИ ПРИЈАВИ ЗА УПРАВИТЕЛ И ДИРЕКТОР НА ЈП ПАЗАРИ БИТОЛА - злоупотребиле над 20 илјади евра
ПРОДОЛЖЕН ВИКЕНД ВО ГРЦИЈА ПА И ДА ВРНЕ: Македонците навалија кон соседите, еве како е на границите
