Во Германија 800 напади на кампови за бегалци
Објавено во: Свет 19 Октомври, 2016
Федералната криминална полиција регистрирала од почетокот на годината 797 напади врз кампови за бегалци во Германија - како населени, така и ненаселени, објавија германските медиуми.
Од десните радикали има вкупно 740 напади. Во повеќето случаи станува збор за прекршоци како разгорување на меѓуетничка омраза, оштетување на имот и ширење пропаганда.
Според полицијата во истиот период имало 61 пожар на центри на бегалци, а 10 кривични дела се поврзани со прекршување на законот за експлозиви.
Минатата година во Германија се извршени 1005 незаконски акти против засолништа за бегалците, во 2014 година тие биле 199, а една година порано - само 69.