Во Германија касиерка со плата од 1.300 евра се смета за сиромашна

Добивај вести на Viber

Речиси осум милиони маргинализирани работници се сметаат за сиромашни во Германија, покажуваат послкедните статистички податоци од официјалната Агенција.

Иако германската економија е во полн замав и стапката на невработеност опаѓа, истовремено се случува и феномен на се послабо платени работни места на граница на сиромаштија според германските критериуми.

Повеќе од шест милиони Германци сега се потпираат на средствата на Hartz IV. програмата од 416 евра месечно, плус пари за домување и комунални услуги.

Вкупно 7.67 милиони државјани не се вработени на полно работно време, според бројките од Федералната агенција за труд во изминатата година. 

Раст на бројот на маргинализирани работници во Германија (во милиони)

2014: 7.47

2015: 7,58

2016: 7.63

2017: 7,67

Дури и оние што имаат работа со полно работно време може да се најдат во несигурна позиција, пишува германски „Фокус“.. Во исто време се зголемува прагот на сиромаштија постојано, па секогаш мора да се заработи дополнително за да се задржи статусот на благосостојба.

И од федералната агенција за труд сметаат дека феноменот на сиромаштија и покрај работно место е се поголем во Германија.

"Касиер работи за 1300 евра нето-плата, а треба да ги плати даноците, домувањето и да се грижи за дете. Тоа не е ли сиромаштија“, вели Детлиф Шиле, шеф на аагенцијата за труд.