Економската зона Ченгду-Чонгкинг е еден од главните мотори на идниот економски раст на Кина

Добивај вести на Viber

Извор: XinhuaNet

Ченгду, главниот град на провинцијата Сечуан и соседната општина Чонгкинг, и двете лоцирани во југозападна Кина, се појавуваат како динамични региони кои предничат во понатамошното отворање и развој во западните региони на земјата. Економската зона Ченгду-Чонгкинг е еден од главните мотори на идниот економски раст на Кина. 

Последните податоци на царината покажуваат дека, во првите два месеци од оваа година, комбинираната надворешна трговија на Чонгкинг и Сечуан достигна 259,13 милијарди јуани (околу 36,5 милијарди американски долари), што бележи зголемување од 6,2 отсто во споредба со истиот период минатата година.

Со население од над 98 милиони, економската зона Ченгду-Чонгкинг е уште една важна стратегија за регионален развој во Кина. Заедницата сега е трансформирана од некогаш оддалечена и изолирана внатрешна област во клучна локација долж Иницијативата „Појас и пат“ и економскиот појас Јангце, станувајќи нов белег на отворањето во западна Кина.

Во 2023 година, економската зона Ченгду-Чонгкинг постигна регионален БДП од речиси 8,2 трилиони јуани, што претставува зголемување од 6,1 отсто на годишно ниво.

Во однос на развојот на железницата, Чонгкинг и Ченгду беа меѓу првите градови во Кина кои понудија услуги за товарен воз Кина-Европа. Во јануари и февруари, Ченгду и Чонгкинг ракуваа со над 650 товарни возови меѓу Кина и Европа

Услугите за товарен воз Кина-Европа со кои управуваат двата града моментално достигнуваат 110 градови во Европа и Азија. Опсегот на транспортирани стоки се прошири од лаптопи до над десет илјади видови на стоки, вклучувајќи возила и делови, комуникации и механичка опрема, фармацевтски производи и медицински помагала.

Chongqing Lee & Man Paper Manufacturing Limited е компанија за увоз на суровини од Југоисточна Азија. Благодарение на новите транзитни правци копно-море, логистичките предизвици на компанијата беа ефективно решени.

„Рутите ја подобруваат ефикасноста на синџирот на снабдување, намалувајќи го времето на транспорт за околу 15 дена. Ова го скрати производниот циклус на компанијата, значително го зголеми производството и ја подобри ефикасноста“, рече Хуанг Жиконг, генерален директор на компанијата.

Покрај тоа, двата локалитети работат заедно на промовирање на изградбата на аеродромски кластер од светска класа, што ќе го забрза отворањето на повеќе меѓународни патнички и карго воздушни линии.

Во 2023 година, Чонгкинг основаше 321 ново претпријатие со странски инвестиции, што претставува зголемување од 30,49 отсто на годишно ниво, додека реалните странски инвестиции во Сечуан се зголемија на 24,52 милијарди јуани.

Минатиот месец, мултинационалното претпријатие Данахер, специјализирано за животни науки, дијагностика и биотехнологија, потпиша договор за стратешка соработка со Новата област Чонгкинг Лианџијанг за заеднички да основаат центар за иновации.

„Се радуваме на изградбата на иновативниот центар, градејќи го со прецизна медицина на високо ниво и интегрирана платформа за биофармацевтски иновации во регионот Ченгду-Чонгкинг“, рече Пенг Јанг, глобален потпретседател на Данахер и претседател на Данахер Кина.

Суез груп, глобален експерт во секторите за вода и отпад, инвестираше над 4 милијарди јуани во Чонгкинг во јаглеродова неутралност.

Неодамна во посета на Чонкинг беше и претседателот на Кина,Си Џипинг, кој рече дека треба да се направат напори да се поттикнуваат серија државни претпријатија со силна основна конкурентност, да се зајакне развојот на приватната економија и да се стимулира виталноста на деловните субјекти под различни форми на сопственост.

Тој го повика градот да се усогласи со меѓународните економски и трговски правила со високи стандарди за да поттикне првокласна деловна средина која е пазарно ориентирана, заснована на закони и интернационализирана.