Во Германија пронајден нов сој на коронавирусот: Заболени 35 пациенти во една клиника

Добивај вести на Viber

Германија е последната земја каде е откриена нова мутација на коронавирусот. Новиот сој е идентификуван меѓу група болнички пациенти во Баварија. Локалните новински медиуми во понеделникот први објавија дека е откриена непозната варијанта на коронавирус меѓу 35 пациенти во болница во баварскиот ски град Гармиш-Партенкирхен, југоисточна Германија. 

Променетиот вирус е пронајден кај 35 од 73 новоинфицирани лица во болницата, објави во понеделникот баварската новинска агенција БР24. 

Примероците сега, наводно, се испитуваат во универзитетската болница „Шарите“ во Берлин. CNBC го контактирале германското Министерство за здравство за потврда на извештаите. Официјални лица изјавиле дека варијантата е различна од неодамна откриените варијанти во Велика Британија и Јужна Африка. 

Заменик директорот на болницата Клеменс Стокклауснер на брифинг со новинарите во понеделникот рекол дека сè уште нема потврда дали мутацијата го прави вирусот попренослив (како и со варијантите откриени во Велика Британија и Јужна Африка), или е повеќе смртоносен. 

 „Во моментот откривме мала мутација… и апсолутно не е јасно дали ќе биде од клиничка важност“, рече Стокклауснер. 

„Треба да почекаме за целосното секвенционирање. Ниту соевите во Велика Британија ниту во Јужна Африка не беше потврдено дека предизвикале повеќе жртви, иако како резултат на нивната способност полесно да се шират, тие предизвикаа повеќе инфекции, хоспитализации и, за жал, повеќе смртни случаи. Велика Британија и Ирска, особено, забележале брзо ширење на мутираниот вирус, што предизвика наплив на инфекции и прилив на пациенти. 

Информациите за новата варијанта пронајдена во Германија се појавија истиот ден кога министерот за здравство на земјата Јенс Спан рече дека сегашното ниво на секвенционирање на коронавирусите во земјата не е доволно и дека лабораториите ќе бидат обврзани а ги следат примероците на коронавирусите за да го следат вирусот мутации.