Во овие држави жените земаат пониски плати од мажите
Објавено во: Економија 08 Март, 2017
Платите на мажите и жените за исти работни позиции во повеќе земји се разликуваат и тоа од 2 до 11% во корист на мажите.
Меѓународниот сервис за истражување на плати, Paylab наведува дека разлики во платите има во Србија, Словачка, Унгарија, Чешка, Латвија, БиХ, Естонија, Хрватска и Финска.
Има и земји каде жените земаат за 24% помали плати, а се смета дека за оваа состојба придонесува и тоа што жените се вработуваат во сектори каде платите се помали.
Од друга страна, жените прават паузи поради родителство, а сите менаџерски работи ги вршат мажите.
Меѓу менаџерите во Хрватска, жените земаат за 17% пониски плати од мажите.
Разликите во платите се помали на почетокот на кариерата.
Кога ќе завршат со образованието, мажите и жените имаат исти можности. Јазот во платите се јавува кај луѓе кои се на возраст од 35 до 44 години.
Додека жените кариерата ја ставаат во мирување за да станат мајки, мажите напредуваат. Откако жените ќе се вратат на работа, или не успеваат или немаат шанса да ги стигнат колегите.