Водачот на Азов е жив, се јавил дома
Објавено во: Свет 25 Мај, 2022
Водачот на Азов е жив. Главниот командант на Азов, Денис Прокопенко кој до минатата недела се бореше за да ја задржи украинската контрола врз јужниот пристанишен град Мариупол, е жив и здрав на територијата под руска контрола, изјави неговата сопруга по краткиот телефонски разговор, објави „Тајмс оф Израел“.
Катерина Прокопенко, сопругата на лидерот на Азов вели дека нејзиниот сопруг ја прашал како е, но дека врската e прекината пред тој да каже нешто за себе. Русите на 21 мај објавија дека целосно ја презеле челичарницата Азовстал. Тогаш последната група бранители на Азовскиот полк се предаде.
Првиот човек на Доњецката Народна Република, Денис Пушилин, објави дека Трибуналот за украинските националисти од баталјонот Азов ќе опфати неколку фази судења, при што, првиот степен ќе се одржи во Мариупол.
Пушилин потврди дека „неколку земји прелиминарно се согласиле да учествуваат во работата на меѓународниот трибунал“. Војната трае три месеци.