ВОВЕДЕТЕ ЦЕЛОСЕН LOCKDOWN: Фаучи им порача на индиските власти откако болниците, мртовечниците и крематориумите се преполнија
Објавено во: Свет 02 Мај, 2021
Водечкиот
американски епидемиолог Ентони Фаучи препорача Индија да воведе мерки за неколку
неделен целосен lockdown со цел да се запре ширењето на вирусот корона.
„Овој вирус ни покажа дека, ако го оставиме сам на себе, ќе експлодира во општеството“, предупредува Фаучи во интервју за Индијан експрес.
„Никој не сака да ја затвора земјата ... Но, ако го сторите тоа за само неколку недели, може да имате значително влијание врз динамиката на експанзијата“, рече Фаучи, јавува Гласот на Америка.
Бројот на новоинфицирани коронавируси во Индија денес благо опадна, но бројот на смртни случаи се зголеми за рекордни 3.689. Досега таму починале вкупно 215.542 лица од коронавирусот.
Болниците, мртовечниците и крематориумите се преполни, откако во Индија беа регистрирани најмалку 300.000 нови инфекции на дневна основа повеќе од 10 дена по ред. Многу семејства мораат сами да бараат лекови и кислород.
Воведени се ограничувања во скоро 10 индиски држави и територии, додека националната влада сè уште не сака да воведе карантин во целата земја, пишува Гласот на Америка.