Врие народ пред општината, Заев и Иванов во Гостивар

Добивај вести на Viber

Гостиварчани пред општината се збогуваат од трагично загинатите сограѓани во автобуската несреќа на патот Скопје - Тетово во која синоќа имаше 14 загинати.

На комеморативната седница говор вече одржа претседателот Ѓорѓе Иванов, а истото се очекува да го стори и премиерот Зоран Заев.

- Ова е тажен ден за Македонија, тажен ден за сите нас. Вакви настани да не ни се случуваат. Нека им е вечна слава, истакна претседателот Ѓорге Иванов, во своето обраќање на комеморативната седница на Општина Гостивар, по повод трагичната сообраќајна несреќа, што вчера попладне се случи на автопатот Скопје-Тетово. Се вели дека луѓето не умираат кога ќе ги погребат, туку кога ќе ги заборават. Да остане споменот за овие луѓе вечен, да се сеќаваме на нив, да ги спомнуваме, и на нивните најблиски да им помагаме овие тешки моменти да ги пребродат. Тешка е загубата, но уште потешко е ако вакви настани ни се повторуваат. Ова е поука да бидеме секој пат внимателни, рече претседателот Иванов.

Оремиерот Заев се упати кон Гостивар кадешто во 12 часот ќе присуствува и ќе се обрати на Комеморативната седница во чест на загинатите граѓани во сообраќајната несреќа којашто ќе се одржи во Општина Гостивар.