Вучиќ се обраќа, а надвор демонстранти пробија ограда
Објавено во: Балкан 17 Март, 2019
Српскиот претседател, Александар Вучиќ на вонредната прес-конференција изјави дека лидерот на опозицискиот Сојуз за Србија, Драган Ѓилас и насобраните ја пробиле оградата која е поставена пред Претседателството на Србија. Тој нагласи дека Србија нема да дозволи со насилство било кој да биде загрозен.
„Мислеа дека нема да смеам да дојдам овде. Јас немам страв. Можам да го загубам само животот. Ќе продолжам да се борам за Србија и тоа нема ништо поважно“, изјави Вучиќ.
Вучиќ истакна дека не се плаши да држи прес-конференција во вакви услови, нагласувајќи дека „страв не смее да постои од хулиганот и фашистот Бошко Обрадовиќ и тајкунските лидери Драган Ѓилас и Вук Јеремиќ“.
Неколку стотици демонстранти беа пред зградата и цело време свиркаа додека траеше протестот. Се бара оставка од Вучиќ.
Синоќа имаше упад во РТС. Демонстрантите сакаа да се обратат во вестите. Некои од нив внесле и моторни пили внатре.