За четири дена од јули починаа 32 лица, јуни најцрн месец од почетокот
Објавено во: Македонија 05 Јули, 2020
Пандемијата со Ковид-19 трае со месеци, а во Македонија во јуни беше забележан значаен пик на бројот на заболени, но и на бројот на смртни случаи. Само во овој месец од компликации од квирусот во земјава умреа 169 луѓе, што го прави најсмртниот месец од март од кога почна борбата со Ковид-19.
Имено заклучно со мај во земјава борбата со вирусот ја изгубиле 133, лица а веќе на крајот на јуни или до последниот ден од овој месец бројот на починати изнесува 302. Ова значи дека само во јуни бројот на смртни случаи бил 169. Моментално или до вчера во земјата бројот на смртни случаи изнесува 334. Тоа значи дека само за четири дена од јули починаа 32 лица.
Претходните, пролетните месеци имаше помала смртност. Во март, откако земјава ја започна борбата со Ковид-19, починаа 9 пациенти, во април кога здравствените власти велеа дека вирусот го достигнува пикот, бројот на починати до крајот на месецот беше 66 само во тој месец, а во мај починаа 63 пациенти. Здравствените власти велат дека речиси сите пациенти кои се хоспитализираат во последниот период, доаѓаат во многу тешка состојба, откако претходно најмалку десеттина дена седеле дома и се обидувале сами да се излечат.
Болничките капацитети во земјава се полнат пребрзо