За десетина дена ќе има нов владин кабинет
Објавено во: Македонија 31 Декември, 2021
СДСМ најавува нов владин кабинет за десетина дена.
Mандатарот Димитар Ковачевски изборот на идни министри, ќе го направи побрзо од предвидениот рок. Од партијата велат дека течат и разговорите со политичките партии кои ќе бидат дел од коалиционата Влада.
„Како што соопшти и претседателот на СДСМ, Димитар Ковачевски, нема да го користи рокот согласно уставот од 20 дена и предлогот за составот на новата влада ќе го достави околу 11 јануари“, вели Богданка Кузевска, портпарол на СДСМ.
Се очекува во средината на месецот Собранието да ја одржи седницата за гласање на составот и програмата на Владата.