ЗА ПОСЛЕДЕН ПАТ: Koга ќе ги поместиме стрелките на часовникот?
Објавено во: Свет 22 Септември, 2018
За нешто повеќе од месец дена ќе преминеме на зимското сметање на времето.
Меѓу саботата и неделата на 27 и 28 октомври стрелките на часовникот ќе треба да се вратат назад за еден час. Во 3 часот наутро, часовникот се враќа еден час назад и ќе биде 2 часот, што значи денот ќе трае 1 час подолго. Тоа можеби ќе биде за последен пат.
Поради најавата на Европската Комисија дека ќе предложи укинување на зимското сметање на времето, овогодинешната промена можеби ќе биде последна со оглед на тоа што предлогот е времето секогаш да остане во летниот мод. Повеќе од 80% од анкетираните граѓани во ЕУ се согласиле да не се менува времето два пати годишно.
Преминувањето на летно и зимско сметање на времето првпат е забележано во 1916 година, во земјите на северот на Европа, а досега е воведено во околу 70 земји, за да се заштеди енергијата со тоа што периодот на дневната светлина од раните утрински часови ќе се „премести“ навечер.