ЗА ПОСЛЕДНАТА НЕДЕЛА - бројот на смртни случаи пораснал за 18,6 отсто, дури 23 пациенти се под 49 години

Добивај вести на Viber

Според неделниот извештај на Институтот за јавно здравје, за периодот од 16 до 22 ноември се тестирани вкупно 19.664 материјали за ковид, што значи дека има намалување од 6,3 отсто во однос на минатата недела. 

Регистрирани сe 7.486 нови позитивни случаи од 35 градови во државата, со незначително зголемување во однос на минатата недела од 1,8 отсто. Најголем дел од регистрираните случаи се од Скопје (43,5 отсто), со неделна инциденца - 535,1/100.000. 

Во наведениот период, процентот на позитивни од тестирани лица изнесува 38 проценти, соопштува Институтот.

Регистрирани се заболени лица во сите возрасни групи. Најзастапена е возрасната група на лица на возраст над 60 години (n=1.818, 24,3 отто). Голем број на заболени се регистрира и кај лицата во возрасните групи од 40-49 (n=1.496; 20 отсто), 30-39 (n=1.474; 19,7 отсто), 50-59 (n=1.348; 18 отсто) и 20- 29 (n=978; 13,1 отсто). Најмал број е регистриран кај децата од 0-9 (n=85; 1,6 отсто) и 10-19 години (n=287; 3,8 отсто).

Во однос на дистрибуцијата по пол, пријавени се 3.866 (51,6 отсто) лица од машки и 3.620 (48,4 отсто) од женски пол.

По добиени два негативни теста за присуство на SARS-CoV-2 или со употреба на новиот алгоритам, како оздравени се водат 5.099 лица кои биле хоспитализирани или на домашно лекување, 44,7 отсто повеќе во споредба со минатата недела.

Во наведениот период пријавени се 204 смртни случаи од 24 града, што е зголемување од 18,6 отсто во однос на минатата недела. Во однос на возраста, 155 лица биле над 60 години, 26 лица на возраст од 50-59 години, 18 смртни случаи се пријавени од возрасната група 40-49 години и 5 случаи во возрасната група од 30-39 години. Од смртните случаи, епидемиолошки се истражени 128 или 62,7 отсто.

Деталниот извештај на Институтот за јавно здравје за состојбата со Ковид-19 за периодот од 16 до 22.11.2020 г. како и кумулативната состојба со Ковид-19 во земјава се објавува на веб страницата на Институтот за јавно здравје: http://iph.mk/.