За што ќе сведочи директорот на Фејсбук пред Конгресот на САД ?

Добивај вести на Viber

Директорот на компанијата „Фејсбук“ ќе сведочи за тоа како податоците на милион корисници завршиле во сопственост на британската компанија Кембриџ Аналитика.
Марк Цукерберг за своето сведочење пред Конгресот на САД подготвува стратегија за сведочење.

Комитетот за правосудство при Сенатот го покани Цукерберг да сведочи на 10 април, заедно со директорите на компанијата Твитер и Алфабет.

Притисокот од правниците, медиумите и јавноста стана преголем за Цукерберг лично, пред судот да не го изнесе своето мислење за аферата што ја тресе најпознатата социјална мрежа. Извори од Фејсбук веруваат дека Цукерберг одлучил да сведочи, со цел да го префрли притисок на извршните директори на Гугл и Твитер, Сундар Пичаи и Џек Дорси, за и тие да сведочат.

Цукерберг денеска го одби барањето на британските пратеници да одговори на прашања за заштитата на приватноста и пред Одборот за дигитални медиуми, култура и спорт на британскиот Парламент (ДЦМС) ги испрати својот директор за технологија Мајк Шропфера и директор за производи Крис Кокс.

Тој покана за сведочење добил и од Европскиот парламент, а Европската комисија доставила официјално барање за одговор на прашања поврзани со скандалот со Кембриџ Аналитика, меѓу кои и тоа дали личните податоци на граѓани од ЕУ ќе бидат користени понатаму и на кој начин.

Фејсбук во британскиот и американскиот печат објави оглас на цела страница на која се извинува на корисниците и изрази жал, а Цукерберг вети посилни чекори за да се ограничи пристапот до информациите од страна на трета страна.

Скандалот започна откако се обелодени дека консултантската и статистичка компанија Кембриџ Аналитика собирала податоци од 50 милиони корисници на Фејсбук и ги искористила за на Трамп да му донесе изборна победа во 2016 година. Скандалот ја погоди оваа социјална мрежа од двете страни на Атлантикот. Вредноста на акциите на Фејсбук падна на берзата, а загубата е поголема од 50 милијарди долари. Фејсбук имал повеќе од две милијарди корисници, и пред скандалот на берзата вредел повеќе од 500 милијарди долари.