Заев: Ако има грешка кај Џафери со знамето треба да се поправи
Објавено во: Македонија 04 Мај, 2017
Претседателот на СДСМ Зоран Заев даде коментар и за поставеното албанско знаменце во кабинетот на новиот собраниски спикер Талат Џафери покрај знаменца на Република Македонија и ЕУ.
„Сакам да се почитуваат законите и Уставот на Република Македонија без разлика дали кршењето на закони или доаѓа од наш коалициски партнер или не. Секој треба да има политичка и законска одговорност. Законите во Македонија се јасни и тие треба да се почитуваат. Ако се случила одредена грешка тој што ја направил, се надевам, дека ќе ја поправи. Мораме да испратиме конечно пораката дека Уставот и законот не може повеќе да се газат и тоа да се покажува како патриотски чин, без разлика дали е тоа од Македонците, Албанците, Турците, Србите… Треба сите да водиме грижа“, изјави Заев.
Поставувањето на албанското знаменце ги вжешти политичките страсти, а ВМРО-ДПМНЕ вели дека ова е доказ за спроведување на Тиранската платформа. Талат Џафери пак, смета дека нема ништо спорно во поставување на знаменце бидејќи државното знаме на Република Македонија е поставено според законските прописи во неговиот кабинет.
Можеби ќе ве интересира
ФАКТОР НА ДЕНОТ: Партиите изнесоа ставови со кого би коалицирале и под кои услови
ЦРВЕНИ ЛИНИИ: Апасиев кажа кој е условот за коалицирање
МЕЏИТИ: Со Левица не би сакале да бидеме дел од иста влада, таа е антиевропски настроена
ПРЕДИСТРАЖНИ ДЕЈСТВИЈА ЗА ПОРАНЕШЕН ГРАДОНАЧАЛНИК: Тошковски објави што направил
Финансиска полиција: Фирма платила 3,5 милиони евра за стари акумулатори без да ги добие
ЕКС ГРАДОНАЧАЛНИКОТ НА БУТЕЛ НЕ СЕ ОТКАЖУВА: Ниту јас сум отишол од СДСМ ниту СДСМ се сели од Бутел
Гаши: Избор на претседател во Собранието не е услов за коалицирање
