Заев: Нема да има вработувања во приватните компании по етнички клуч
Објавено во: Економија 31 Август, 2020
Премиерот Зоран Заев по средбата со стопанските комори демантираше дека ќе има стимулирања, односно барања од странските и домашните приватни компании во земјата да вработуваат работници по етнички клуч.
„Владата ќе го повика, охрабри и ќе соработува со бизнис секторот т.е. домашните и странски компании да ги поддржат добрите меѓуетнички односи и вредностите на толеранција, застапеност и меѓусебна доверба и во нивните работни средини, за да се искористи целокупниот човечки потенцијал со кој располага нашата земја“, стои во владината програма, но Заев вели дека овде не станува за наложување до компаниите од страна на Владата.
- Имаме региони со поголеми стапки со невработеност, државата има обрвска да ги реалоцира своите капацитети повеќе таму. Станува збор за реалокација на домашните инвестиции во региони со свои алатки и мерки за да се отворат таму повеќе фабрики. Има добри и помалку добри работници. Недостатокот на помалку квалификувана сила. же се решава шреку Агенцијата за вработување и преку и развојот на мерките за доквалификација, како и со дуалното образование со што ќе излегуваме во пресрет на оваа проблематика. Ние сме во прегопвори да испорачаме сериозни пакети до компаниите за надминување на терковната криза, рече Заев на денешната прес-конференција.
Заев на коморите им ветил стабилна даночна политика и дека нема да има зголемување на даноците.
- Првиот предизбик е Ковид-19, скледуваат следни пакети на мерки во есенско-зимски период кои заедно ќе бидат дефинирани со коморите 20 милиони евра од Министерството за економија ќе добие бизнис секторот кој најавува инвестиции, а до сега има 800 апликации. Зборувавме за реформите во правосудниот систем кои значат и за економијата, која ќе биде тогаш пораздвижена и посилна. Децентрализацијата како процес продолжува, а пописот очекувам да биде во првото полугодие од 2021 како статистички процес важен за економијата, наведе Заев.