Заев: Нема да кршам и делам, туку ќе обединувам
Објавено во: Македонија 30 Мај, 2017
Мандатарот Зоран Заев најави дека ќе има одделение во судот кое ќе работи на случаите од СЈО.
Вети дека ќе го развиваат спортот, туризмот, дека на младите ќе им дадат шанса да почнат свој бизнис. Заев кажа дека нема да крши и дели, туку ќе обединува. Вели дека нема да изолира, туку ќе создава можности.
„Ова е време на граѓаните. Јас верувам дека сите што и мислат добро на држвата мора да застанат зад реформските процеси. Поделени нема да направиме ништо. Има работи околу кои не смееме да се надмудруваме, а тоа се граѓанските и државните интереси на кои се обрзуваме сите“ - изјави Заев.
Заев рече дека ќе биде премиер на сите граѓани, без разлика дали гласале за него или не, и бара почит од граѓаните како што тој вели дека ќе ги почитува сите.
Вели дека Македонија е созреана за еден нов начин на политика.
Сите ги повика да бидат на нивото на одговорноста, затоа што пред себе имаат живот, но и долг пат.