Заев: Променети се плочите каде што пишува „бугарска фашистичка рака“ и „бугарски фашистички куршум“
Објавено во: Македонија 26 Ноември, 2020
Премиерот Зоран Заев денеска одговарајќи на новинарско прашање го потврди она што вчера го спомена во интервјуто за бугарски БГНЕС дека се променети содржините на 20-тина плочи на спомен-обележја согласно Договорот за добрососедство со Бугарија.
„Во дел од плочите каде што пишувало бугарска фашистичка рака, куршум или слично, тие плочи се променети. На цела територија на државата, а најголем дел се спомен-обележја под надлежност на општините, согласно Договорото за добрососедство и обврските превземени од него“, рече Заев.
Тој додаде дека сепак никој не му дал можност преку референдум на бугарскиот народ во 1941 да се изјасни дали ја прифаќа фашистичката идеологиа.
„Царска Бугариоја во 1941 зџастанува на страната на Тројниот пакт, но никој не ги прашал Бугарите каква е нивната определба. Заборавивме дека и во нашата Македонија имаше соработници на фашистите - домашни предавници“, тврди премиерот.
Заев денеска рече дека не е дозволиво фашистичката идеологија да се поврзува со етникуми, односно дека бугарскиот народ не бил окупатор на Македонија.
„Окупацијата од страна на фашизмот била секаде присутна, но тоа не е причина да кажете дека цел еден народ е окупатор. Прашањето е дали ги користиме вистинските зборови ако сакаме да градиме пријателство“, наведе Заев.