Заев прв пат со детали: За германски медиуми открива како избегал Груевски
Објавено во: Македонија 14 Јуни, 2019
За прв пат во јавноста преку германскиот медиум Франкфуртер алгемајне цајтунг премиерот Заев открива детали за бегството на Никола Груевски.
Дојче веле пишува дека обвинителството не ги потврдува овие информации.
„Знаеме како Груевски избега од земјата“, тврди македонскиот премиер Зоран Заев во интервју објавено во германскиот весник ФАЦ.
Заев тврди дека ја знае траекторијата на движењето на Груевски во клучните часови на бегството од земјата.
„Со лифт се симнал во подрумот, а потоа се сокрил во багажникот на автомобилот со кој бил изнесен од земјата. Во Албанија го чекало унгарско дипломатско возило“, тврди премиерот.
Додека тезата за криењето во багажникот е веќе извртена во јавноста, но не и потврдена од Обвинителството, за првпат еден носител на висока политичка функција во земјата излегува со тврдење и дека Груевски бил пречекан од унгарски дипломати уште на самата граница.