Заев: Силва и Вархеји ќе одат во Софија, а потоа во Скопје ќе го соопштат решението

Добивај вести на Viber

Премиерот Зоран Заев објави дека португалското претседателство на ЕУ разработува цела една стратегија со која ќе настапи во наредната недела пред Софија и пред Скопје. Претседателот на Владата  Шефот на дипломатијата на Португалија, Аугусто Сантош Силва, утре ќе ги посети Софија и Скопје, Тој ќе биде придружуван од еврокомесарот за соседство и проширување, Оливер Вархеји

„Верувам дека до крајот на оваа недела ќе се случи тоа. Ги знаат нашите црвени линии, бевме во Брисел и им рековме: Ако ги чепнете македонскиот идентитет и јазик, тргнете нѐ од преговорите. За идентитет никој никогаш не разговарал. Ние преку португалското претседателство и еврокомесарот Вархеји разговараме како влади. Очекувам до крајот на неделата министерот за надворешни работи на Португалија, која е претседавач со ЕУ, и комесарот да одат во Софија и да дојдат тука и да соопштат решение на кое работат веќе пет-шест месеци“, изјави Заев во емисијата „Утрински брифинг“

Целта на еднодневната мисија на Силва, според дипломатски извори, е во детали да се зборува за можен излез од ќор-сокакот во кој западнаа македонските евроинтеграции по ветото од Бугарија. 

В сабота има најави дека во Скопје ќе допатуваат министрите за надворешни работи на Австрија, Чешка и на Словенија како дел од пошироката иницијатива за деблокада на евроинтеграцискиот процес на Македонија со усвојување на преговарачката рамка и закажување на првата меѓувладина конференција.