Заев: Службениците немаат храброст да потпишуваат јавни набавки
Објавено во: Економија 26 Јули, 2018
ПОлитичката криза е главна причина за неповолните трендови во економијата, рече денеска премиерот Зоран Заев одговорајки на пратеничко прашање од Влатко Ѓорчев од ВМРО-ДПМНЕ. Вели и дека во мал процент на ниската реализација на капиталните инвестиции влијае и недоволната храброст на државните службеници за потпишување на постапките за јавни набавки. Најголем проблем бил што немало проекти за реализација, а и тие кои постоеле морале да бидат корегирани.
- Еден од таквите проекти е патот Кичево-Охрид. Сите знаме за пропустите и несериозностите при имплементација на еден ваков проект. Лошите проекти доведува и до ваков пад на БДП. Во првиот квартал имаме раст на индустријата од осум отсто, во енергетијата од седум отсто, близу седум проценти раст и на земјоделството, раст на високоградбата од 2,2 проценти, само нискоградбата беше со пад од околу 40 отсто, рече Заев.
Тој додаде дека покрај немањето проекти, причина се податоците во делот на статистиката во кои не бил внесен податокот за Сино хидро, затоа што не дале извештај за тоа што сработиле.
- Очкеувам веќе во вториот, а особено во во 3 и 4 квартал да имаме сериозен раст и на капиталните инвестиции во државата и на нискоградбата затоа што сите проекти се ослободени, тендерите се распишуваат, има компетитивност, преку 100 милиони евра се заштедени пари на разлики во цени поради транспарентност на постапките. Водиме грижа нашите домашни компании да имаат предност. Очекувам дека растот на БДП од 3,2 отсто сепак ќе го постигнеме, рече Заев.