Запалени бездомници на железничка станица
Објавено во: Свет 23 Јули, 2018
Трагедија се случи во Германија при што двајца бездомници се запалени.
Непознато лице, синоќа ги запалилo бездомниците на железничката станица во германскиот град Берлин, при што истите се здобиле со тешки изгореници.
Напаѓачот истурил течност врз двајцата бездомници, на возраст од 47 и 62 години, а потоа ги запалил, информираа од полицијата.
Тие се пренесени во болница после нападот кој што се случил на „Шоневајде“ на истокот од германската престолнина Берлин во текот на ноќта од неделата кон понеделникот. Нивните работи исто така се запалени.
Од германската полиција денеска одбија да ги потврдат известувањата на „Билд“ и „Берлинер Цајтунг“ дека на сцена настапиле случајните минувачи кои што го изгасиле огнот со апарат за гасење пожар, донесен од киоскот за брза храна кој што бил во близина.
Мотивот за нападот засега останува непознат, иако германските власти веднаш отворија истрага под сомнение дека постоел обид за убиство.Ова не е прв ваков случај во Германија. И претходно имало напади на бездомници.