Зошто становите во Лондон стануваат недостапни за купувачите?
Објавено во: Економија, Свет 28 Ноември, 2016
И покрај рекордно ниските кирии, становите во Лондон остануваат исклучително недостапни за купувачите, пишува Bloomberg, повикувајќи се на податоци на Hometrack.
Цената на просечно живеалиште во британската престолнина веќе го надминува бруто годишниот приход на потенцијалните купувачи за 14,2 пати. Ова е рекордно високо ниво за градот, а во однос на просекот за земјата е повеќе од два пати повисоко.
Во октомври сепак годишниот раст на цените на куќите во градот е забавен до 9,1% - најниско за скоро 3 години, покажуваат податоците.
Од 2009 година цените на куќите во Лондон се зголемиле за 86% поради нерамнотежа меѓу понудата и побарувачката и приливот на купувачи.
Поради силниот раст на цените на недвижностите во градот, министерот за финансии Филип Хамонд изјави дека одобрува повеќе од 3 милијарди фунти (3,74 милијарди. долари) за изградба на над 90.000 живеалишта до 2021 година.