Беса и Алтернатива се уште имаат директори иако не се дел од власта
Објавено во: Македонија 11 Јули, 2023
Ја напуштија власта, но и понатаму имаат партиски членови на раководни позиции во некои државни институции. Министерот за правда Кренар Лога од редовите на Алијансата за Албанците со обвинувања за Алтернативата и Движењето Беса, дека не се откажуваат од директорските фотелји, иако, како што вели, постојано ја напаѓаат власта.
„Има околу 4-5 функционери на Беса кои се уште се на своите позиции. Има функционери на Алтернатива кои одбиваат да поднесат оставки и тоа е апсурдно, бидејќи во исто време додека овие две политички партии ја напаѓаат Владата, нивните членови продолжуваат да остануваат директори во централните институции и тоа е многу срамота“, вели Лога, пренесува ТВ21.
Под раководство на БЕСА во „Вардар филм“ на чело е Сани Саиди, а во Природно-научниот музеј на чело е Ферат Мемети. Од Алтернатива, Насер Цури ја води спомен куќата на Мајка Тереза, Расим Али е раководител на АД „Славија“, додека Хајрула Мисини е на чело Агенцијата за поддршка на претприемништвото.