Цела Кина преплавена со брендот на Доналд Трамп
Објавено во: Економија 10 Март, 2017
Кинеските власти по долго време ги одобрија барањата на организацијата на Доналд Трамп за користење на Трамп брендот за голем број на хотели, ресторани, барови, голф терени и економски објекти.
Кина повеќе од година дена ги разгледуваше барањата за брендирање на 38 објекти со името на Трамп кои се директни инвестиции или франшизи на компанијата на новиот американски претседател.
За комплетна регистрација на Трамп брендирањето ќе следи период од 90 дена во кој ќе може да се достави жалба до кинеските власти.
Сенаторот Бен Кардин побара истрага од Конгресот со цел да се спречи злоупотреба на функцијата на Трамп за бизнис цели што се коси со американскиот Устав.