ДИК ПОТСЕТУВА: Граѓаните можат да гласаат само со важечка лична карта или пасош
Објавено во: Македонија 26 Октомври, 2017
Oд Државната изборна комисија велат дека граѓаните кои се запишани во Избирачкиот список, а на кои рокот на важност на документот за лична идентификација им истекува помеѓу двата изборни круга на Локалните избори 2017 година, во вториот изборен круг што ќе се одржи на 29 октомври, можат да гласаат единствено со важечка лична карта или патна исправа.
Граѓаните, како што посочуваат од ДИК, кои сакаат да го остварат своето избирачко право во вториот изборен круг за избор на градоначалник на општината, треба веднаш да извадат нова лична карта или патна исправа.
Инаку, од МВР вчера соопштија дека одделенијата за управни работи ќе работат во текот на викендот во регионите каде ќе се одржува втор круг од изборите и ќе издаваат лични карти.