Двајца жители на Десово до смрт претепале човек
Објавено во: Македонија 21 Март, 2022
Жители на Десово до смрт претепале човек од Кичево.
Полицајци од ОВР Прилеп вчера ги лишиле од слобода А.Ѓ.(29) и Д.Ѓ.(67) од селото Десово, општина Долнени. Тие се сомничат дека ден претходно во селото Десово физички го нападнале Р.Л.(48) од Кичево и му нанеле тешки телесни повреди од кои подоцна починал. Р.Л. е пронајден починат на 20 март во куќа во селото во која привремено живеел. Смрт со повреди на главата и телото констатирал лекар од Итна медицинска помош Прилеп, а увид извршиле увидна екипа на ОВР Прилеп и Јавен обвинител. По целосно документирање на случајот против нив ќе биде поднесена соодветна кривична пријава.