ЕСКОБАР КАЖА „ПРАВОСЛАВНИ ЛУЃЕ“, ИНТЕГРА ОСТРО: Американската амбасада да се извни
Објавено во: Македонија 13 Март, 2023
ИНТЕГРА - Македонска конзервативна партија бара јавно извинување од Американската амбасада за, како што навдеува во соопштението испратено до медиумите, недоличното преименување на Македонскиот народ во „православни луѓе“ од страна на Заменик Помошникот на Државниот секретар Габриел Ескобар, во интервју за медиум во Америка.
-Во вакви околности и токму поради вакви негирања на државотворноста на Македонскиот народ во татковината Македонија, НЕ СМЕЕ ДА СЕ ДОЗВОЛИ промена на Уставот со цел внесување на бугарската малцинска етничка група во Преамбулата на Македонскиот Устав. Принципот на реципроцитет во Теоријата на разрешување на конфликти е базичен и од истиот не смее да има отстапувања. Бугарската држава ќе мора по истиот тој базичен принцип на реципроцитет да го признае официјално постоењето на Македонското етничко малцинство во Бугарија и ќе мора да престане со негаторските политики кон сиот корпус на Македонските етнички идентитетски столбови, наведува ИНТЕГРА.
Инаку за ваквата изјава на Ескобар реакција има и од страна на Џејсон Мико, поранешниот почесен конзул на Македонија во САД, кој на својот профил на Твитер напиша:
„Официјална политика на Стејт департментот на САД? Заменик-помошникот секретар на САД, Габриел Ескобар: #Македонија е ‘вистински пример за мирен соживот меѓу Албанците и православните луѓе’. Само што ги избриша Македонците.
Official US Department of State policy? U.S. Deputy Assistant Secretary Gabriel Escobar: #Macedonia is a "true example of peaceful coexistence between Albanians and Orthodox people.” He just canceled Macedonians. #Македонија https://t.co/Ma5Be0zGee
— Jason Miko (@JasonMiko) March 11, 2023