Гардијан: Руски шпиони и дипломати биле вклучени во провоцирање раздор во Македонија
Објавено во: Македонија 05 Јуни, 2017
Руски шпиони и дипломати биле вклучени во напори за ширење пропаганда и провоцирање раздор во Македонија.
Ова било дел од пошироки регионални напори за спречување на балканските држави да му се придружат на НАТО, пишува британскиoт весник Гардијан.
Руските и српските напори допринесоа за долгорочната политичка и етничка криза во Македонија, пишува Гардијан.
Овие активности почнале во 2008 година, пишува весникот повикувајќи се на документи од македонската Управа за безбедност и контраразузнавање, кои ги добила Мрежата за известување за организиран криминал и корупција, меѓународна истражувачка платформа на 24 истражувачки организации, медиуми и голем број новинари од цел свет.
Сознанијата произлегуваат од документи од тајните македонски служби и ги опишуваат и напорите на српското разузнавање за поддршка на антизападните и проруските националисти во Македонија.
Руските разузнавачки активности се спроведуваат од нивната амбасада во Скопје преку три агенти на руското надворешно разузнавање (СВР), набљудувани од станицата на СВР во Белград, како и преку четворица воени разузнавачи координираи преку Софија, Бугарија, тврдат документите.
Руските агенти работеле и на регрутирање сегашни и поранешни припадници на Македонската армија и еден министер за внатрешни работи со цел да креираат „критична маса од воено обучени лица кои во одреден важен политички момент или ситуациија би биле корисни за постигнување на руските интереси“, стои во еден од документите, но истите не откриваат дали овие обиди биле успешни.
Руските агенти преку парични фондови се обиделе да влијаат и врз македонски медиуми, но и медиуми на албански јазик во Македонија со цел „да шират информации и дезинформации за поддршка на руските политики“.
Документите покажуваат дека во
Собранието вечерта на нападите бил присутен и српски разузнавач. Според нив, македонските тајни служби повеќе од една година ги
следеле активностите на Горан Живаљевиќ, агент на БИА и воедно дипломат во
амбасадата на Србија во Скопје. Според нив, тој од 2015 година работи на тоа да ги
успорува евроатланските интеграци на Македонија по инструкции на Белград.
Документите покажуваат како Живаљевиќ му дава инструкции на Иван Стоилковиќ,
проруски пратеник во македонскиот Парламент. Тој е претседател на Демократската партија на Србите во Македонија и
коалиционен партнер на ВМРО-ДПМНЕ.
Живалевиќ и Стоилковиќ често се среќавале “секогаш кога требало да се донесат
важни одлуки во Парламентот или пред состаноци во Владата“, се вели во
документите.
И двајцата се фатени како заговараат медумска пропаганда против опозицијата во
Македонија во медиумите во соседна Србија. Овие медиуми вршеа антизападна пропаганда тврдејќи дека Западот сака да ја
уништи Македонија и да создаде Голема Албанија директно давајќи му поддршка на
Груевски и ВМРО-ДПМНЕ. Често тврдеа дека ако Заев го добие мандатот за Влада во
Македонија ќе има војна.