ЌЕ СЕ РАЗГЛЕДУВА ВИДЕОНАДЗОРОТ - докторот бил убиен со повеќе убоди, обвинителство со детали
Објавено во: Македонија 22 Март, 2024
Интензивно се трага по убиецот на доткоторот од скопската населба Железара, кој доцна синоќа бил пронајден од сопствените синови во близина на ординацијата во која работел.
Како што соопштуваат од Обвинителство, неговото тело е предадено на обдукција, а се прибираат докази, но побарано е и преглед на снимки од видеонадзор.
- Дежурен јавен обвинител од Основното јавно обвинителство Скопје изврши увид на лице место во скопската населба Железара каде во текот на ноќта беше пронајдено безживотно тело на лекар со повеќе убодни рани - информираат од Обвинителството.
Телото на починатиот го пронашол неговиот син.
- Јавниот обвинител издаде наредба за обдукција, како и наредба за прибирање и анализа на сите траги пронајдени на лице место и за обезбедување на снимки од видеонадзор - се наведува во соопштението на Обвинителството.
Се преземаат дејствија за расчистување на настанот, нагласуваат од обвинителство.
Претходно МВР ги соопшти детали за убиството на лекарот во Скопје.
- На 21.03.2024 во 23.09 часот во СВР Скопје било пријавено дека во сопственото возило „киа“ со скопски регистарски ознаки, на паркинг пред поранешната клиника Железара, со убодни рани по телото бил пронајден А.Т.(67) од Скопје.
Според пријавеното, тој бил пронајден од неговите синови, кои почнале да го бараат откако не се вратил дома од работа.
Лекар од Итна медицинска помош констатирал смрт, а по наредба на јавен обвинител телото на починатиот било дадено на обдукција. Се преземаат мерки за расчистување на случајот - велат од МВР.