КОРОНАТА Е ЗЛОБНА И НЕПРЕДВИДЛИВА - 23 годишна девојка од Србија која досега била здрава и права се бори за живот
Објавено во: Балкан 09 Декември, 2020
Српски Курир ја посетил новата ковид болница во Батајница, каде 60 пациенти ја водат најважната битка на својот живот - тие се на интензивна нега, а меѓу нив има и млади луѓе кои досега биле полни со сила и живот.
Межу нив е и 23 годшна девојка, која пред короната била здрава и права и навреме се јавила на лекар, сега се бори за живот во новата ковид болница во Батајница, која вчера ја посетил тимот на Курир.
Таму, пишуваат новинарите, може да се забележи тага - 60 луѓе тука се борат за живот. Мониторите пиштат, а тие се прицврстени на црева и кабли, додека неуморни лекари, медицински сестри, техничари летаат околу болните пациенти.
Анестезиологот доц. Доктор Дејан Марковиќ изјавил за Курир дека за 48 часа од отворањето, 396 пациенти биле примени во новата болница и дека сите биле во животнозагрозувачка состојба на одделот за интензивна нега.
„Имаме 23-годишна девојка, која беше здрава и права и која не чекаше да се јави на лекар. Но, таков е текот на болеста, короната е злобна и непредвидлива. Има и постари пациенти, но има и целосно млади пациенти кои досега не биле третирани за ништо, кои биле силни и здрави“, изјавил Марковиќ:
„Тешко е да се работи под скафандери, но е ужасно тешко кога ќе погледнете во животот што згаснува, без разлика дали е стар или млад. И, одите дома само 24 часа, без викенди, без одмори. И тогаш ќе го вклучите телевизорот и ќе видите дека многумина млади седат во кафулињата на Копаоник, грабаат опрема за скијање, дека 70 отсто од новогодишните аранжмани се распродадени. Луѓе, освестете се еден месец, два, три. Кога ќе дојде вакцината, да се вакцинираат сите и да се тргнеме од тука!“, порачува докторот.
Д-р Татјана Аџиќ Вукишевиќ, директор на болницата во Батајница, изјавила дека само вчера ставила четири млади луѓе од одделението на одделот за интензивна нега.
„Овие 60 пациенти, ако не дојдеа во болница во петокот, сабота, недела, гарантирам дека немаше да бидат живи досега“, посочила таа за Курир.
Извор: Крир.рс
Фото: Политика.рс