Маричиќ: Провокациите со Бугарија се сведени на минимум
Објавено во: Македонија 21 Март, 2022
Вицепремиерот за евроинтеграции Бојан Маричиќ смета дека поранешните провокации со Бугарија сега се сведени на минимум и дека исполнет е овој предуслов за да се дојде до конечен договор со соседот.
- Провокациите се сведени на минимум, не постои негативна комуникација, новиот пристап даде резултати, рече поранешниот министер за правда.
Тој наведе дека премиерот Димитар Ковачевски како шеф на делегацијата на Самитот во НАТО ќе се сретне во Брисел со претседателот на бугарската влада Кирил Петков.
- Милслам дека интензивно работат и работните групи на помалку политичките теми. Има интензивна комуникација на владинио ниво и на ниво на Влади.
Ние сме задоволни од тоа што има директна и отворена комуникација и од тоа што јасно се разбираме околу нашите позиции, рече Маричиќ.
Вицепремиерот верува дека преговорите нема да се одолговлечат со антикорупциската акција во последно време во Бугарија.
- Премиеорт Петков нам ни кажа дека внатрешно политичката ситуација не е едноставна, но ние нема да му одмогнеме. Негова задача е да ги менаџира тие работи, Нас ние важно да не се пропушти оваа прилика овој период да се најде едно фер и достоинствено решение кое ќе ја тргне блокадата од преговорите, изјави Маричиќ.