22 Октомври, 2017
0.4796
    ALK 7595.8    0.62%     BESK 11000.07    -0.92%     KMB 2800    -0.01%     MKSD 232    0%     MPT 28032.26    -0.95%     OHB 5367.09    -1.52%     REPL 52500    -0.23%     RZLV 45    0%     RZUS 129    1.57%     SBT 2180    -2.64%     STB 940.91    -0.33%     STBP 680    0%     TEL 274.5    0.92%     TNB 13300    -1.48%     TTK 828    0.12%

Министерот Николовски е на работно место, пожарите се под контрола

Објавено во: Македонија 13 Август, 2017

Министерството за земјоделство, шумарство и водостопанство соопштува дека активно презема мерки и со полн капацитет ги извршува обврските за справување со пожарите. Министерот за земјоделство, шумарство и водостопанство Љупчо Николовски е на своето работно место и e посветен на извршување на обврските во соработка со сите надлежни институции за справување со пожарите и превенција од појава на нови пожари, што е спротивно на тврдењата дека е на летен одмор.

Според последните информации од Центарот за управување со кризи, најголем дел од пожарите кои беа активни се изгаснати. Пред околу час и половина е локализиран и пожарот кај Крушево. Активни,  но ставени под контрола и без опасност за ширење се пожарите во близина на манастирот Трескавец и населените места Мажучиште, Мараморани и Горно Село, кај селата  Крушевица и Бонче, селото Никодин,  и пожарот на м.в.Фрлогоец (Женска планина) на Бистра Планина. 

Координативното тело за кризна состојба во која член е заменик-министерот за земјоделство Власте Димковиќ, секојдневно одржуваат состаноци, на кои се даваат насоки и наредби за справување со пожарите.

Согласно Законот за шуми, по барање на ЈП Македонски шуми на 11.07.2017 година, Министерот за земјоделство, шумарство и водостопанство Љупчо Николовски, даде согласност за делумна забрана за движење во шумата или во одделни нејзини делови, во период од 15.07.2017 година до 15.08.2017 година.Одлуката се донесе пред да отпочне сезоната на шумските пожари, а откако се активираа поголем број пожари, министерот Николовски даде согласност за целосна забрана за движење во шумите или во одделни нејзини делови за периодот 05.08.2017 година до нејзино отповикување. Истовремено министерот Николовски им наложи на Државниот инспекторат за шумарство и ловство и Шумската полиција, да ги зајакнат контролите на терен. Како министерство, будно ја следиме состојбата со пожарите и работиме на превенција од појава на нови пожари. Владата на Република Македонија во иднина ќе спроведе крупни реформи во системот за справување со  кризи, велат од МЗШВ.


Можеби ќе ве интересира

Тинејџери летово низ Кисела Вода и Аеродром краделе автомобили од подземни гаражи

Тинејџери летово низ Кисела Вода и Аеродром краделе автомобили од подземни гаражи

Не е точно дека работници од Екс-ју земјите ќе се вработуваат под исти услови како оние од ЕУ земјите во Германија

Не е точно дека работници од Екс-ју земјите ќе се вработуваат под исти услови како оние од ЕУ земјите во Германија

ТОПЛО УШТЕ ДЕНЕС: Од утре пресврт во временската прогноза

ТОПЛО УШТЕ ДЕНЕС: Од утре пресврт во временската прогноза

Луѓето не смеат да бидат купувани и продавани

Луѓето не смеат да бидат купувани и продавани

ЈОРГОС ПАПАНДРЕУ ЗА ФАКТОР МАГАЗИН: Горна Македонија е прифатливо решение

ЈОРГОС ПАПАНДРЕУ ЗА ФАКТОР МАГАЗИН: Горна Македонија е прифатливо решение

ТРОШОЦИТЕ ПОГОЛЕМИ ОД ПЛАТАТА: Вработените во овој сектор едвај врзуваат крај со крај

ТРОШОЦИТЕ ПОГОЛЕМИ ОД ПЛАТАТА: Вработените во овој сектор едвај врзуваат крај со крај

Кога ќе проработи бројчаникот што го вети Заев?

Кога ќе проработи бројчаникот што го вети Заев?

Груевски ќе прифати и доживотен затвор само Заев да ги остави на мир насилниците од „крвавиот четврток“

Груевски ќе прифати и доживотен затвор само Заев да ги остави на мир насилниците од „крвавиот четврток“

Груевски: Прислушувани се над 100 луѓе од ВМРО-ДПМНЕ

Груевски: Прислушувани се над 100 луѓе од ВМРО-ДПМНЕ