Нови протести на „тврдокорните“ против двојазичноста
Објавено во: Македонија 27 Јануари, 2018
Повеќе припадници организирани од патриотски здруженија излегоа повторно на протести пред Собранието против како што велат воведувањето на двојазичност и подредност на македонскиот јазик што е закана за унитарниот карактер на Република Македонија. Демонстрантите во мал број се одзваа на повиците на социјалните мрежи и засега немаат поддршка од ниту една политичка партија.
Повеќе здруженија кои излегоа на претходните слични протести овој пат „мируваа“ и не се појавија официјално, но и од нив се очекува да излезат заедно со поголема група на незадоволни граѓани од следната недела кога треба да се одржат следните протести против новиот Закон за употреба на јазиците.
Од т.н. патриотски здруженија велат дека ова бил сенароден предупредувачки протест, поради забрзано реализирање на антимакедонски политики во соработка со други големи центри на моќ.
Организаторите на социјалните мрежи најавуваат и нов протест пред Собранието за в понеделник во 10 часот.