ПЕТ РУСКИ ДИПЛОМАТИ СЕ ПРОГЛАСЕНИ ЗА ПЕРСОНА НОН ГРАТА - имаат пет дена да ја напуштат земјава
Објавено во: Македонија 28 Март, 2022
Во просториите на Министерството за надворешни работи денеска бил повикан рускиот амбасадор во земјава Сергеј Баздникин, кому му била врачена дипломатска нота со која петмина вработени во Амбасадата на Русија се посочени како непожелни во земјава или персона нон грата, соопшти МНР.
„Согласно информациите добиени од надлежните органи, наведените извршувале активности кои се во спротивност со Виенската конвенција за дипломатски односи и ќе треба да ја напуштат територијата на Република Северна Македонија во наредните пет дена“, се додава во соопштението на Министерството за надворешни работи.
Минатата година МНР за персона нон гарта прогласи двајца руски дипломати, едниот во мај, а вториот во август, и ги протера од земјава. И во двата случаи Русија реагираше со реципрочни мерки, односно со протерување на македонски дипломати од Москва.