Пожар однесе човечки живот во Стар Дојран
Објавено во: Македонија 27 Март, 2017
С.Д.(57) од Стар Дојран вчера починал во пожарот кој избувнал во неговиот дом.
Полицијата денеска извести дека од засега непознати причини пожарот пламнал во собата каде што спиела човекот. Од густиот чад тој изгубил свест и паднал на подот.
Пожарот го забележале соседите кои повикале полиција и локалната противпожарна бригада. Иако пожарот бил локализиран навреме, сепак, лекарите не можеле да го спасат С.Д.
На местото на пожарот во центарот на Стар Дојран, зад хотел „Македонија“ (порано познат како хотел „Галеб“) излегла екипа на МВР и инспектор за заштита од пожари.
По наредба на јавен обвинител, телото на починатиот е предадено на семејството за погреб.