Премиерот негира дека ќе има двојазичност во сите институции
Објавено во: Македонија 25 Ноември, 2017
„Законот за јазиците е согласно Уставот. Онаму каде што има практична потреба и Уставот го дозволува тоа, законот така и ќе се реализира. Преку него гледам отстранување на некои потреби кои досега биле присутни кај граѓаните, а не биле овозможени. Тоа е унапредување на употребата на јазиците во РМ и секако, како што постојат ансамбли, без да се зголемуваат буџетските средства, само ќе биде дефиниран правно-формално ансамбл за културата на албанските граѓани“, истакна Заев по потпишувањето на договорите за поддршка на млади земјоделци во МЗШВ.
Со оваа изјава премиерот посочува дека нема да има двојазичност на сите институции на целата територија на РМ туку со него само ќе се унапредат некои практични потреби на граѓаните кои досега не им биле овозможени
Премиерот потврди и дека ќе биде дефиниран правно-формално ансамбл за културата на албанските граѓани.