ПРОДОЛЖЕН ПРИТВОРОТ НА ТЕМЕЛКО: ВМРО-ДПМНЕ излегува на протест
Објавено во: Македонија 26 Ноември, 2017
ВМРО-ДПМНЕ вечерва ќе организира протест поради продолжувањето на притворот на Едмонд Темелко.
Протестот треба да почне во 19 часот, пред Владата на Република Македонија.
Деновиве ВМРО-ДПМНЕ реагираше на притворот на Темелко, затоа што бил во многу лоша здравствена состојба.
За ВМРО-ДПМНЕ одлуката за притвор е резултат на политички притисоци и нема никаков основ за продолжување на притворот кој преминува во казна наместо мерка за обезбедување на осомничениот.
ВМРО-ДПМНЕ ги повикува своите членови, како и сите граѓани и граѓански организации да ја изразат својата поддршка за Едмонд Темелко вечер во 19 часот на собир кој би започнал пред Владата, од каде луѓето би се упатиле пред судот.
Темелко е еден од обвинетите за изборни нерегуларности, во случајот на СЈО, „Титаник“.Тој беше уапсен во Скопје на 26 септември.