СДСМ: Невработеноста ќе се намалува реално и тоа ќе го чувствуваат сите граѓани
Објавено во: Македонија 10 Јуни, 2017
Од СДСМ велат дека невработеноста ќе се намалува реално и тоа ќе го чувствуваат сите граѓани, а не декларативно како што досега правеше ВМРО-ДПМНЕ, преку нарачани бројки од контролирани институции, бришење од евиденција на невработените лица и иселувањето на младото работоспособно население надвор од државата.
„Нелогично е да се намалува стапката на невработеност во услови кога економијата стагнираше заради блокадите и опструкциите на ВМРО-ДПМНЕ, на демократските процеси за формирање на новата Влада. Потребен е економски раст што ќе ги апсорбира новоотворените работни места“ - реагираат од СДСМ по прес-конференцијата на ВМРО-ДПМНЕ дека со посветеност се намалува невработеноста.
Од партијата додаваат дека новата реформска влада предводена од СДСМ има капацитет, знаење и умешност преку поддршка на домашните фирми и одговорно менаџирање со ресурсите што ги поседува земјата да обезбеди тој реален економски раст за реални работни места и вистински пад на невработеноста.
Можеби ќе ве интересира
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
Петровска: Тошковски вооружени лица да пријавува во институциите, а не кај Мицкоски
