Шилегов ветува отворен ГТЦ, пристојни градинки и топли училишта
Објавено во: Македонија 29 Септември, 2017
Во ек на изборна кампања, кандидатот за градоначалник на општина Центар, Петре Шилегов ветува дека одлуки ќе се носат со консулатција на граѓаните и стручната јавност.
Шилегов посочува дека ќе ја почитува волјата на граѓаните и ГТЦ ќе остане отворен за сите.
„Ќе ги
санираме штетите од досегашната негрижа и ќе направиме зелен покрив на ГТЦ, за
да го надоместиме лудилото со сечење на зеленилото што ни се случи во
изминативе години.
Создаваме нов јавен градски простор со содржини кои ќе ги вратат луѓето во ГТЦ.
Овозможуваме задолжителен пристап со лифтови до кровот, со тоа им помагаме на дуќанџиите да ги вратат муштериите во ГТЦ“, рече Шилегов.
Потенцираше дека доколку граѓаните му ја дадат довербата, за нив клучно ќе биде брзо да ги решаваат проблемите, да обезбедат квалитетни и ефикасни комунални услуги, ефикасен и евтин јавен превоз, децата да имаат пристојни градинки, затоплени училишта и дека администрацијата ќе биде и брза, и ефикасна, и услужна.