СООБРАЌАЈКА НА МАГИСТРАЛА КИЧЕВО - ГОСТИВАР: Три лица завршија во болница во Кичево
Објавено во: Македонија 11 Јули, 2023
Тешка сообраќајка се случила вчера на магистралниот пат Кичево - Гостивар во која со тешки повреди се здобил еден сопатник.
- На 10.07.2023 во 12.25 часот на магистралниот пат Кичево-Гостивар се случила сообраќајна несреќа помеѓу патничко возило „фолксваген поло“ со скопски регистарски ознаки, управувано од Л.С.(31) од с.Горно Строгомиште и патничко возило „фолксваген пасат“ со кичевски регистарски ознаки, управувано од Е.А.(39) од с.Србјани - наведуваат од МВР.
Како што посочуваат од министерството, во несреќата со тешки телесни повреди се здобил сопатник од возилото „поло“, Л.С.(53) од с.Горно Строгомиште, а со телесни повреди се здобиле двајцата возачи и сопатничка од возилото „пасат“, А.А.(28) од Кичево, констатирани во Медицинскиот центар Кичево.
Извршен бил увид од увидна екипа од Полициската станица Кичево.