СУДЕЊЕ ЌЕ ИМА: Кривичниот суд го прифатил обвинението за случајот „Тврдина“
Објавено во: Македонија 27 Октомври, 2017
Кривичниот суд го прифатил обвинението за случајот „Тврдина“ на Специјалното обвинителство.
Во предметот се обвинети поранешни високи челници во МВР, поранешниот шеф на тајната полиција, Сашо Мијалков, поранешната министерка за внатрешни работи, Гордана Јанкуловска, шефот на кабинетот на Мијалков, Тони Јакимовски и Горан Грујевски и Никола Бошкоски од УБК кои беа уапсени во Грција.
СЈО сите ги сомничи дека уништиле два система за прислушување во Управата за безбедност вредни околу 10 милиони евра. Сомнежите се дека со тоа сакале да ги прикријат трагите од нелегалното прислушување.