Тројца во „апс“ за вчерашното убиство во Охрид

Добивај вести на Viber

Органите на прогонот го расветлуваат вчерашното грозоморно убиство во Охрид при што еден возрасен човек беше насилнички претепан. 

СВР Охрид денес поднесе кривчна пријава поради постоење основано сомнение за сторено кривично дело “убиство“ против лицата Н.С. (79), З.С. (45) и Д.С. (24) сите од Охрид, до надлежното јавно обвинителство.

Имено, вчера околу 17.30 часот во Охрид, пред продавница „Јано Пром“, бил нарушен јавениот ред и мир со карање и викање кое прераснало во тепачка помеѓу Н.С.(79) од Охрид, од едната страна и С.Г.(58) од Охрид и М.Г.(29) од друга страна.

Откако Н.С. се здобил со телесни повреди ги повикал неговиот син З.С.(45) и внук Д.С.(24) од Охрид, а по нивно пристигнување, повторно настанала расправија и тепачка каде со повреди се здобиле С.Г. и Н.С., а во еден момент по завршување на тепачката а поради здобиените повреди С.Г. колабирал и починал на местото на настанот.

Увид е извршен од страна на јавен обвинител и увидна екипа на Секторот за внатрешни работи Охрид, а по наредба на јавниот обвинител телото на починатиот е предадено за обдукција. Во СВР-Охрид лишени од слобода се лицата З.С., Н.С. и Д.С.