УХМР очекува поплави денес и утре

Добивај вести на Viber

Од УХМР известуваат дека денес попладне и во ноќните часови ќе има врнежи од дожд кои на места ќе бидат поројни така што локално се очекуваат над 30 l/m2 дожд, а во комбинација со топењето на снегот од високите места, ќе предизвика високи водотеци на реките.

„Во повеќе делови од земјата, како резултат на врнежите во изминатиот период и топењето на снегот, земјата е заситена со влага и се очекува брза реакција на помалите реки и суводилици низ земјава каде на места се можни локални излевања (со посебно внимание на југоисточните делови и Струмичкиот регион). И кај поголемите реки се очекува зголемување на водостојот а пред се на водотеците во западниот дел на земјата каде во сливот на р.Радика, р.Сатеска, р.Треска и горниот дел од сливот на р.Вардар се очекуваат значително високи водостои“, соопштуваат од УХМР.

Исто така, поради можноста од појава на поројни, интензивни врнежи, придружувани со засилен јужен ветер, можни се локални проблеми кај дел од градските урбани населени места каде би се појавиле ваков тип на врнежи. 

„Предупредуваме на претпазливо движење покрај реките и суводолиците во текот на денешниот и утрешниот денѓ“, додаваат од таму.