Според партијата, граѓаните се чувствуваат постизборно измамени и не сакаат Република Македонија да се претвори во бинационална држава, со сите елементи од тиранската платформа, туку сакаат економски просперитет и технолошки прогрес, велат од партијата која сега е во парламентарна опозиција.
ВМРО-ДПМНЕ: СДСМ со изборот на Џафери отворија опасни правни преседани
Објавено во: Македонија 06 Мај, 2017
ВМРО-ДПМНЕ и натаму ја обвинува СДСМ за прекршување на Уставот, деловникот и законите при изборот на Талат Џафери за нов собраниски претседател, но нема критики кон на пример ДУИ за истата акција. Сега главната грижа на ВМРО-ДПМНЕ е дека ќе се создаде правна криза и во иднина потенцијално нови опасни преседани.
„Заев и СДС покрај политичката криза ја втурнаа Република Македонија и во правна криза. Создадоа правни преседани со кои што во иднина се отвора можност за незаконско гласање на двојазичноста, двојазични банкноти и униформи, геноцид и сите останати елементи од тиранскатапПлатформа, без притоа да се почитува волјата на граѓаните. Заев и СДС четврти ден молчат за албанските знамиња во кабинетот на нелегално избраниот од нивна страна претседател на Собранието, исто како што молчеа и стоеја кога се пееше химната на албанската држава во македонскиот законодавен дом“, се вели во соопштението од ВМРО-ДПМНЕ.