ВМРО-ДПМНЕ: Заев прифати странски платформи за да се спаси од судот
Објавено во: Македонија 14 Април, 2017
ВМРО-ДПМНЕ реагира на денешното соопштение на СДСМ во кое се порачува дека наскоро ќе биде формира реформска влада која ќе ги решава горливите проблеми на граѓаните и смета дека Зоран Заев е подготвен на се само за да се спаси од судските процеси, но тоа нема да биде дозволено.
- Народот јасно им порача дека не поминува ниту тиранската платформа, ниту негирањето на македонскиот народ, химна и знаме, се она за кое што СДС упорно молчи, а под маса го договара, се наведува во реакцијата на ВМРО-ДПМНЕ.
СДС и аболицираниот криминалец Зоран Заев се обидуваат со прифаќање на странски платформи и негаторски изјави по секоја цена да избегаат од соочување со правдата за криминалите кои ги направиле. Но бегање од судските процеси за нивните криминали нема, исто како што нема бегање ниту од судот на народот. Тој суд на народот, СДС ќе го види на избори кои се единственото решение од ситуацијата во која СДС ја втурна Македонија со прифаќањето на тиранската платформа. Затоа народот е на нозе! Затоа Македонија се буди,соопшти ВМРО-ДПМНЕ.