ВМРО-ДПМНЕ: Знамето на туѓа држава во кабинетот на спикерот е недостоен чин
Објавено во: Македонија 04 Мај, 2017
Од ВМРО-ДПМНЕ велат дека внесувањето на знамето на туѓа држава во кабинетот кој треба да му припадне на Претседателот на Собранието е срамен и недостоен чин.
Оваа партиска реакција се однесува за истакнувањето на албанското знаме во кабинетот на новиот спикер, Талат Џафери.
„За да нема вакви недостојни акти со кои се понижува државноста, ВМРО-ДПМНЕ му ја понуди поддршката на Заев, доколку ја одбие Тиранската Платформа и уцените на кои се согласи да ги реализира. Заев одлучи да застане на спротивна страна од сопствениот народ и држава. Целиот Балкан е на нозе и реагира на провокациите на Заев“ - стои во соопштението од ВМРО-ДПМНЕ.
Од ВМРО-ДПМНЕ додаваат дека неговата сервилност кон Еди Рама и неговата непресметливост е препознаена и надвор од границите на Македонија.